الرئيسية
ــــــــــــــــــــــــــــــــــــــ في المجلس عند الشبابـ ـــــــــــــــــــــــــــــــــــــــــــ
جاسم : وش عنده طلال كنه مقروص يوم طلع
راشد : مدري تذكر ان عنده دوام وراح يرقد
جاسم : وانت ماعندك دوام
راشد : لا
جاسم : وانت فواز
فواز : لا وبعدين من اللي يرقد ذا الحزه
نواف : ملل وش رايكم نروح نلعب بليستيشن
جاسم : قدام يله رح جبه
نواف : حلوه بس لا تعيدها
شوي ويجي ابو طلال
ابو طلال : هااااااااااااااااااي شباب
الكل: هااااااااااي
ابو طلال: وين فلاذات كبدي ما اشوف احد منهم
فواز : فارس راح يجيب الاب توب ولعد جاء وطلال تذكر ان عنده دوام وراح يرقد
ابو طلال : وانتو ماعندكم شغل
راشد : لا وطفشانين اذا كان عندك حل اسعفنا
ابو طلال : خلا نروح نسبح
جاسم : فكره حلو مع ذا الحر ماشيه
وراحو للمسبح
وفي المسبح ريم عبير وامجاد ونجود عهود ودانا
ريم كانت تسبح با العبايه والشيله عاشن اذا احد من الشباب مر تتغشى
والباقين نفس الشي عادا دانا
ووصلو الشباب
ابو طلال بستغراب : مشا الله
ريموه وهي تتغشى: ترا موب طالعين لو يصير ما يصير
جاسم بقرف: الله ياخذكم اطلعو وبدلو الماي
نواف بستغراب : ابي اعرف شي واحد كيف تسبحين با العبايه
ريموه : اهم شي اني اسبح
راشد : ريموه حسبي الله عليس خربتي خواتي ولا ذا منظر بنات يسبحون
ريموه بلعانه: تبيهم يلبسون مايوهات
راشد : لا بس كان ماسبحتو لين نطلع
ريموه بستهزاء: هاه وانتو طلعتو لازقين واذا واحد طلع بلغلط لين الباقين من تشرين في الحوش
فواز : اف الى ذا الدرجه متآزمين منى
ريموه : انا بذات
بو طلال : ليه
رميوه: لأن انا ماعندي الاخلود والباقين كلهم استحي منهم شف كم ولد مليون
نواف : ممكن تعدلين عبارتس وتقولين اتغشى منهوم موب استحي منهم لأن السحى في صوب وانتي في صوب
ريموه وهي تاشر بديها على امجاد وعبير: هي انت ترا هاذولا خواتك اذا ماشفتهم
نواف : خربتيهم
جاسم : يله بنروح الحين وبنرجع بعد نصف ساعه ولا القاء احد هناه
ابو طلال : وغيرو الماي
وراحو
ريموه التفت على البنات بعصبيه : جعلكم اللسنه انشاء الله
عهود: خير ليه
ريموه : ليه ما تكلمتو
عهود: انتي الكبيره والحق لس
امجاد : هي صادقه وبعدين انتي ماعطيتي احد فرصه يتكلم
ريموه : تصدقون ملل
نجود : تصدقون نفسي اسوي مغامره نفس البنات الكبار
ريموه : ولا يهمس بدبر لس مغامره
عهود : نبي مغامره صدق
دانا : بس اخاف احد يهاوشنا
ريموه : وانت ليه رازه وجهس ياماما
نجود : ريموه لا تحسسينها بلي انحسه لا طردونا البنات
ريموه : خلاص بس ياوليس مني لا احد يدري
وانتي عهودوه الحقيني لبيتنا
عبير : واحنى
ريموه : ترا عطيتكم وجه ابي عهود لأنها الوحيده الكبيره فيكم وبعدين نظفو المسبح
و طلعت ريموه ويا عهود و اشكالهم اخر مصخره عبايات مليانه ماي ولا ومتغشين
ـــــــــــــــــــــــــ عند رنود كل البنات عادا ريم وليلى ومهى ــــــــــــــــــــــــــــــــــ
رنود وهي تجلس جنب ندوي : ندوي وش اخر اخبار فارس
ندوي بحزن مصطنع: من زمان مسمعت عن اخباره تكفين روحي سيري عليهم وعلميني تكفين رنود
هنود : الا نوير مافيه امل تعترفين من تحبين
نوير : في المشمش لين اتآكد انه يبادلني نفس الشعور
رنود : انزين هو من العايله ولا من خوالس
نوير : لكل حادث حديث
ندوي : امااااااااااااااااانه رنود روحي جيبي لي اخبار فارس احلامي
رنود : وش تعطيني اذا قلت لس الحين كل اخباره وكيف عايش في بيتهم
ندوي بسرعه : اللي تبين
رنود : اممممممممممم خليني افكر وش ابي
شيخوه وهي منسدحه على السرير: خليها تروح تسويلي عشا ما تعشيت
رنود : هاهاها اكد عليس وبعدين خفي شوي
شيخوه تاكل كافي : حرام عليس انا اسوي ريجيم قاسي
هنوده : اف كل ذا الاكل ورجيم قاسي
شيخوه تاكل شبس: مالت عليكم وين الثانئي المرح اكيد عندهم مصيبه ولا ما اختفو
لميوه داخله عرض : بنات عندي لكم خبر بس لا تزعلون
لكل : خير
لميوه بميوعه : لا تزعلون
شيخوه بدون نفس : اخلصي
لميوه بميوعه : امي تقول لا تطولين مع البنات لنهم خربو اسلوبس وخايفه علي اصير دفشه مثل بعض العرب
شيخوه : (ايا الحقيره يام لميوه انا دفشه وخايفه على ذا المايعه تنعدي مني هين والله لا اخرب المايعه ) خلاص لا عادي تجينا
هنود: وسكتي لها تهينا
لميوه : اولا هاذي امي بس انا اعجبكم سكتها وقلتلها نوي مامي ماسمح لس تتكلمين عن بنات عمي بها الطريقه وبس هي اقنعتني ان اللي هي تقوله صحيح بس قلت لا مامي مستحيل يمر علي يوم بدون ما اشوفهم بس حلفت لها ان محد يآثر علي شرايكم
رنود بستهزاء: ما قصرتي سراحه انتي ونعم بنت الاخ بس اذا قالت امس شي ثاني لاعاد تقولينه لنا واحمدي ربس ان ليلوه موب هناه كان والله ان تنتقم من امس لكرامتها وممكن موب اكيد يصير لمس عاهه مستديمه
نوير : ايه احمدي ربس وصلي ركعتين
ندوي : يا كرهس رنود قولي شلون تجيبين اخبار فارس احلامي
رنود : بس لي عشر اوامر مهمى كانت اوامري
ندوي: خلاص يله قولي وتكون الخبار صدقيه
رنود : يله هاتي ورقه واكتبي اقرار اني لي عندس عشر اوامر مهما كانت تنفذينها
راحت ندوي وكتبت
انا ندى فهد خالد النايف اقر واعترف ان لعمتي رندى خالد النايف عندي عشر اوامر
واقر اني سوف انفذها مهما كانت خطيره وا غير ذالك ووقعت
رنود خذت الموبايل وكلمت مشاري وقلت له يجي وطلعت قلم وورقه وبعد عشر دقايق جا مشاري
مشاري وهو عند الباب: هااااااااااااي بنات
البنات بدون نفس : هاي
مشاري : يا الله لا تكونون زعلانين علي تراني اسف
رنود : ما علينا عشان تكفر عن ذنبك انا الله يسلمك قررت اكتب لي كتاب وابيك تساعدني
مشاري وهو يجلس: كيف اسعادج
رنود : الكتاب عن العائله وانت كلمني عن عائلتكم
مشاري: شلون اكلمج عن عائلتنا
رنود : قلي كيف تجلسون وتسولوف وكيف عايشين وابدى با الكبير
مشاري : يعني ابوي
رنود : لا امك وابوك لا عشان الكتاب يتكلم عن حياه الشباب
مشاري : بس امااااانه لا تقولين لحد
رنود : موب قايله (شكله بيقول اسرار العايله )
ندوي (والله خطيره ها الرنود عليها حركات )
مشاري : ببدى بطلال هاذا يشتغل يوم وعشره لا وكشخه ودلوووووووووووووووووووع مووووت مع انه الكبير إلا نه دلوع ومغرور وابوي يموت فيه وهو اللي يزيد دلع طلال صح انا احترهم بس احيناً عليه طلعات يعني كنه بنيه حتى عنده بجامه موف خبرتو ولد يلبس موف
ندوي: عادي الموضه
مشاري : بس ما يركب عاد لو تشوفينه وهو راقد بها كنه بنيه لو ما الشعرتين اللي في وجهه كانت قلت بنيه ولا تصرفاته ومع امه تقولون بيبي مايحب ياخذ العلاج إلا اذا جلست امه ترجاه و كل شوي يمه خليج عندي وكل يوم غرفته فيها ورد طبيعي لأنه يحبه
ندوي: (ياليل متى يخلص من طليل ويتكلم عن فار س)
مشاري : وكل شوي ضام امه وابوي ولبسه اكثره برمودات وبلوفرات وكل يوم قصه ولا لاراح لسوق كل اللي يشتري عطورات
ندوي(ليت فارس نفسه )
مشاري : ولا المصيبه اللي محد يعرفها غيري بس اماااااااااااااااانه لحد يدري ترا لو يدري طلال ذبحني
كلنا بحماس: قوول
مشاري : عنده دبدوب كبير ومره شفته راقد وحاضن الدبدوب
هنود: الله رومنسي ورقيق يارب اخوك فارس نفسه
مشاري : لا صح فارس يحب يلبس ويكشخ نفس طلال بس هو مايحب حركات البنات اللي يسويها طلال
ندوي : بلعكس حركات طلال تهبل
مشاري : اكيد تهبل موب حركاتكم بس فارس ما يحب كذا
رنود : وش يحب فارس وش يكره ولا متى عيد ميلاده
مشار ي: عيد ميلاده مدري بس الظاهر في ذا الشهر وش يحب يحب المصارعه ويحب كل شي سيده ما يحب::ويطالع لميوه :: المياعه::ويطالع ندوي :: وقلت الادب
ندوي ( شفيه ذا كنه يقصدني مالت عليه )
مشاري : ويحبني ويموت في اختي دلوعه ويحب صديقه وتوئمه وولد خالي زياد ويحب السيارات وش بعد يحب امممممممم ايه افلام الرعب والاكشن ويحب اللون الاسود والازرق
رنود : خلاص قم ورني عرض اكتافك
مشاري : وانا بعرفكم على نفسي
رنود : لا الكتاب للي فوق العشرين وانت مراهق
مشاري وهوطالع ضيعت وقتي لو ادري كان ماكلمتكم وعطيتكم معلومات غلط وراح
