الرئيسية
توقعات أبراج 2011
أعزائي المشاهدين
علشان أنتو أكيد غاليين
وبيستنانا الملايين
لاء في فاصل
أستنو .. خاليكو قاعدين
عدنا أكيد زي ما وعدنا
ورجعنالكو ف نفس معادنا
جايين ومعانا الاحداث
للعام كله وده أعجازنا
وف 2011 حظك
هايقولهولك فوراً برجك
علم حقيقي ومش تخريف
كوكب يجي معاك او ضدك
لو هايتحالف اورانوس
كُلك كيلو ونص أوانس
وأما يميل وياه الزهره
مش هايكون ف بلادنا عوانس
ولو عطارد مع القمر
اوعي تمشي تحت شجر
والشجر مليان عصافير
يعملوا حاجه عليك يا خبر
يجي زحل ويا المريخ
أفضل حاجه هنا البطاريخ
تاكل وتمدد كام ساعه
وتحالي بطبقين بطيخ
يجي المشتري ويا بلوتو
ويجيب ميكي وميمي وتوتو
يمكن يجي كمان بطوط
وتجوز ابنك كوتوموتو
خاليكو لحظه معانا في فاصل
هانزيعه ومن تاني نواصل\
نتكلم بس بتفاصيل
اصل الوقت معانا طويل
لسه الساعه 12 بدري
ياله نخرف طول الليل
نستقبل الاتصالات
ونحلل الشخصيات
وهانتعرف ع الابراج
من خلال المكالمات
برج الحمل
هاتجيب عربيه بحمار
وهتبقي أكبر سمسار
وكمان تدخل عالم سمسم
وتمثل كارتون بكار
برج الجدي
هاتدي مراتك بالشالوت
اه نسيت عندك تايفود
بتحب الاكل المظبوط
كل شمام أو أكلة توت
برج الثور والحوت والعقرب
اوعك تخرج راح تتكهرب
واياك تلبس جزمه ف رجلك
علشان تعرف تجري وتهرب
خاليكو لحظه معانا ... في فاصل
هانزيعه ومن تاني .. نواصل
عدنا تاني بشكل جديد
جايين بنقول المفيد
هو ينفع أنه ف يوم
تسيح المايه الحديد
هو ينفع ان كوكب
بالعقول وبينا يلعب
القدر مكتوب علينا
فوق جبينا ومين هايهرب
هو ينفع لو نصدق
الكلام ده و فيه بنغرق
ونقول الابراج هاتقدر
بين احبابنا ف يوم تفرق
مش هاقول حرام وحلال
مش هاقول ده لعب عيال
بس سؤالي فين العقل
اللي بيجري ورا أحتمال
لما تفتح الجريده
وتخاف تتحرك برجلك
علشان الاخبار جديده
وأتشئمت بحظ برجك
أوعي تخرج يوم تعيس
لو قاعدت هاتبقي تيس
خليك واقف طول اليوم
وأقفل بابك بالترابيس
سبحان الله ع الافعال
حالنا ياعالم أعجب حال
نبعد عن أعجاز قرانا
ونأمن بكلام دجال
أختي أخويا ده والله حرام
مش من تعاليم الاسلام
نتعلق بكلام أوهام
مبني علي دوران أجرام
ايه راح نخسر لما نسبح
أسم الله في علاه و نكبر
وفي ملكوت الخلق نسرح
وفي أحكام أسلامنا نفكر
توقعات الف برج
مش هاتغير من مصيرك
حظك أصله جوا درج
جوا مكتب حد غيرك
يفتح الكتاب ويقرا
ويلعب بعقول البشر
وبيتكهن باللي يجرا
دا هايكسب ودا خسر
يبقي ينفع تنسي ربك
وتستني حظ برجك
يجي بكلمه حلوه تسعد
او خبر تعيس يهدك
يبقي ينفع تنسي ربك
ينفع ؟؟؟؟؟
