الرئيسية
...~, آلصغر, مـنذ, نفسي, ربيت
ربيت نفسي مـنذ آلصغر ...~
السسسسلام عليكم
شششخ ــباركم ..؟!
اليوم بعلمكم على سر من اسرار حياتي ..
محد يحس بالكلام الى (( صاحب الكلام ))
طول عمري ادور عن شغلتين
الاولى : !
الثانيه : شخص يعلمني
شخص يعلمني الصح من الغلط ..
تعودت طول عمري اسال نفسي السؤال وارد اجاوب على نفسي بنفسي
مادري هل الاجابه صح .. ولا السؤال بكبره غلط
وهكذا تعودت بحياتي .. اسال نفسي واجاوب على نفسي
اليوم بموضوعي باخذكم الى رحله
رحلة اسميها
(( رحلة الى الانسان الطبيعي ))
واتمنى من كل قلبي من كل قلبي تستفيدون من هالموضوع
لان يشهد الله علي الموضوع كاتبته من كل قلبي
أربط صبرك ولا تستعيل بحزام أمان طبيعة عقلك الباحث عن الطبيعه
بدينا الرحله
أول شيئ أحب أقوله للي حاب ياخذ ويعطي ويه كل الناس لا تنظر الى من قال ولكن أنظر الى ماقال
معروف المثل هذا
والمقصد منه لا تاخذ الأمور بشكل شخصي
أو عنصري طائفي مالك شغل بشخصيته شوف شنو يقول
مو المثل يقول :
خذ الحكمه من أفواه المجانين
تعلم شلون تاخذ الحكمه
تعلم شلون تتعاطى ويه الناس
البشر بسلوب منطقي ومفهوم
تعلم شلون تكون عندك غايه في حوارك ويه أي شخص
وخل غايتك نبيله ساميه
الا واهيا أنك تزيد ثقافتك وتتعلم وتفيد وتستفيد بالمفيد
قبل الغايه في وسيله
تعلم شلون تكون وسيلتك حلوه وراقيه بالخطاب
والمبادله بالحديث
الي قاعد يحاجيك أنسان والأنسان مو معصوم من الغلط
تعلم شلون توضحله أنه غلطان من غير ما تمس شخصه
عشان شنو مايمس شخصك
لأنه لكل فعل ردة فعل والأنسان مشاعر
بكلمه يحسها أجرحته أو تعدت عليه تخليه يغضب
تخليه يعطيك مثل ماعطيته
لأنه الطبيعي أنه يدافع عن نفسه لأنك مسيت شخصه
تعلم شلون تكون شخصيتك مو هجوميه ولا دفاعيه
خلها منطقيه واقعيه صريحه تتكلم من قلبك
وتقول شنو شايف من غير ما تجرح خل حديثك بشكل عام
لا تخصخصه ويصير الحجي بينكم مخصخص
وبالتالي الخصخصه هذي يصير ما منها فايده ودوخ راسك وراس الي جدامك
بالنسبه لي أنا للأمانه شخصيتي هجوميه وأعترف
لكن تعلمت وايد أمور منها أني أطوع نفسي مهما كانت وتعلمت بعد شلون ما أبتدي بالهجوم أحنا مو داشين حرب
وتعلمت بعد شلون أخلي دفاعي هجومي بشكل منطقي بالصحيح
والمفروض وتعلمت بعد أني أكون فضيل أنه لو كنت غلطان
أعترف بالغلط بجذي أكسب حتى عدوي والله لا يجعل لك عداوه سواء
بالمنطقه الصغيره هذي او خارجها تعلمت وايد أمور بالدنيا
والحياه تعلمت من الصغير قبل الكبير من المجنون قبل العاقل
من المعوق قبل المتعافي
من الفاسد قبل الصالح تعلمت شنو مبدأ التعلم
تعلمت شلون أتعلم تعلمت شلون أفهم تعلمت الطريقه وكل طريقه
الله سهلها لي تعلمت شنو يعني الوسيله
سلحت نفسي بأسلحه مو طبيعيه
لين وصلت لمرحله خارج نطاق الطبيعه ليين صرت مينونه بنظر البعض
وانا أقولك بما أني مينونه المثل يقول خذ الحكمه من أفواه المجانين
تعلمت شلون أعرف الخطئ من الخطئ نفسه قبل ماعرفه من الصواب
تعلمت الحيل عشان محد يحتال علي تعلمت الجذب أول عشان أعرف قيمة الصدق
والصراحه تعلمت المسافه والوقت والتاريخ والجغرافيا
مسافه زمن تاريخ جغرافيا
محد راح يفهم معاني ومضمون الأساسيات هذي الا الذكي
تعلمت الدقه والملاحظه تعلمت
معنى عدم الأنتباه لغايه معينه تعلمت شلون تقول شي ماله شغل عشان توصل لشياء ثانيه
تعملت معنى الاحتواء
تعلمت شلون أفهم نفسي أول قبل ما افهم الناس
تعلمت شي نبيل ونادر أهوا الي يخليني اكتب لكم الحين رغم كل المشاغل الي عندي ورغم
الأرضيه الا أنه شي يسري بدمي مبدأ العطاء
على كثر ماتعطي بصدق على كثر ماراح ربك يسخر لك ناس تعطيك
وتزيد من نبالة نفسك وعقلك وثقافتك يوم عن يوم
تعلمت الطمع بالعطاء الطمع بالعلم والتعلم الطمع بالفضائل الطمع بالطيب الطمع بالراحه
وراحتي أني أعطي الصغير قبل الكبير
والبريئ قبل الملوث
تعلمت أني أكون مؤمنه بلي عندي ومؤمنه أنه لكل شيئ أثر وأحلى أثر تخليه أنه الشخص هذا
يدعيلك بالخير لأنك ساعدته ولو بكلمه
تعلمت متى أفرح وليش أحزن تعلمت وعشت القسوه عشان اعرف معاني الحنان
تعلمت الكرهه عشان أعرف قيمة الحب
تعلمت العقاب عشان قيمة الثواب
تعلمت البساطه والتواضع عشان أكون أميره تعلمت شنو يعني قبل وشنو يعني بعد
تعلمت القوه بمعرفة ضعفي تعلمت شلون أذا برتدي قناع بصفه معينه شلون
أخليه بذره مزروعه فيني وأسقيها بالقناعه عشان تكون قناعي الحقيقي
تعلمت شلون أحترم نفسي عشان الناس تحترمني وقله الي يفهمون مضمون احترام النفس
تعلمت شلون أهتم بالمهم
تعلمت أني ما أستحي في وقت يرفع الحياء فيه تعلمت شنو أبعاد الأبعاد وشنو مقاصد القصد
تعلمت شلون أشمل ناس بالغلط عشان يهب المدافع يطرح مبادئ وقيم ويحس المخطئ بلغلط
والأثم وتتحرك مشاعره ويصلح من نفسه وهذي درجه من الذكاء في معاني الأيثار
تعلمت شنو معادلات المعادله تعلمت شلون أكسر نفسي بنفسي عشان محد يكسرها بيوم
وأكسر كل من يبي يكسرني وقبل ما أكسره أمدله أيدي واقوله أصبر
تعلمت شلون أعيش الحرف والجمله عشان أعرف شلون أخذها وأعرف شلون أعطيها
تعلمت العفويه والبرائه لأنه أصلا مخلوقين على الفطره
تعلمت التأمل التأمل التأمل التفكر
تعلمت درجات الأحساس والشعور
بمعرفه عدم الأحساس والشعور
تعلمت أنه مهما سويت لازم أخلي خط دفاع وخط مفاجأه وخط رجوع وخط سري
تعلمت أنه لو عطيت شخص شيئ وأستخدمه مثلي أو ضدي أزداد فضيله ورضى وشكر لله على الأثر
تعلمت أن كل طير وفوقه طير وأمنت أنه محد يطير فوق طيري الا المتصل بالله بكل حواسه وأحساسه
تعلمت شنو يعني ربك خلق وفرق كلمن حسب همته وحسب عقليته وفهمه
تعلمت شلون أتأمل وأعيش ويه الطبيعه وأكون أفضل طبيعي
أخيراً وليس أخراً تعلم شنو عكس الطبيعه عشان تعرف معنى طبيعتك
كل الي ذكرته نبذه بسيطه من أنسان طبيعي
من انسان علم نفسه بنفسه
كل كلامي هذا (( اختصار كتاب مفيد لحياة كل انسان ))
بخاطرك تكون طبيعي ؟
(( [size=25]تعلم ))
بكل بساطه خلك صادق مع نفسك تعرف طبيعتك وتكون طبيعي
